ابو عمار
مشرف عام
عدد الرسائل : 250
العمر : 36
تاريخ التسجيل : 14/02/2009
 |  موضوع: السكوت ممنوع - احكى يا شهر زاد  الأحد 29 مارس 2009 - 22:09 | |
| احكى يا شهرزاد
احكى بذمة يا شهرزاد قولى الفساد هو اللى زاد
والوطن والأرض عليهم عرض بجنيه المتر وفى المزاد
وسجون ومحاكم ومداهمة والناس بتسأل مش فاهمة
هى عصابة وجماعة نصابة ولا البلد شركة مساهمة
غلابة بتفرفر مدبوحة ونظام عايش فى البحبوحة
بيقول عملنا ويا جمالنا شهادتكو فيكو مجروحة
اسمع كلام طول السنة ما شفت غير العكننة
السياسة فن الممكن مش بالنوايا المعلنة
حتى لو ابنى وابنك جاع قول الحق لو أنت شجاع
وصل صوتك لو فيها موتك مش عاوزين تسكين أوجاع
نفسى أحس إن أنا إنسان واخد حقى مش إحسان
البلد كلها فرسان ماتاخدش منهم إلا لسان
بانحت وفى الصخر أعافر متغرب وفى بلدى مسافر
وحالى يصعب عالكافر ولا مسامح ولا غافر
شعب لا قوة ولا حوله مهزوم من أول جولة
بيلعب مع وحوش وعتاولة كان نفسه يعيش جوا دولة
فيها القانون له سيادة والفقر مش حرب إبادة
والبلطجية فوق العادة ماترحمونا وبزيادة
اسمع منى يا شهريار النهب أصبح بالمليار
والناس مسروقة قطع غيار وحكومة متقلة فى العيار
اشهد يا نيل وياهرم مين افترى ومين اتحرم
مين مطحون واتفرم وماسك نفسه ومحترم
إيمانى ببكره ماله حدود ارجع لتاريخى آباء وجدود
وكل ظالم هاياكله الدود من الآخر أنا أدها وقدود
ابو عمار | |
|
المهندس الصغير
مدير
عدد الرسائل : 578
العمر : 35
الموقع : https://shabab-bhit.hooxs.com/
تاريخ التسجيل : 16/12/2008
| |
