محتار تدخل قسم ايه ؟

بسم الله الرحمن الرحيم

أنا عارف ان السؤال دا محير ناس كتييييييير

لكن ان شاء الله هى دى الإجابة

والسؤال طبعا هو.. يا ترى أدخل قسم أيييييييه؟؟؟

اليكم الإجابة..ولا تنسونا بالدعاء..وأنا فى خدمتكم بالنسبة لأى استفسار



[URL="http://uploadpics.a2a.cc"].[/URL][URL="http://www.a2a.cc"].[/URL]



التفكير القديم بتاع الدكاترة ( وانا معارض ) : بيقولك ادرس سوق العمل وشوف ايه اللى هيجيبلك شغل........الخ الخ الخ



التفكير الجديد بتاع الشباب والعولمة ( انا معاه ) : يقولك انت تدخل حاجة تحبها و تبقى جامد فيها فلازم هتشتغل و تبتكر .



طبعا هما الاتنين صح لانك مثلا لو درست سوق العمل هتكتشف ان المهندس المدنى شغال على طول وبالتالى حتى لو دماغك مش مدنى هتشتغل بمرتب ولو يكن 1500 - 2000 جنيه عشان الطلب اكتر من العرض.



فى حين لو اخترنا قسم زى نظم وحاسبات فكل خريجينه بيطلعوا يقعدوا على القهاوى بس انت ممكن تدرس وتتميز وانا شخصيا اعرف واحد اول مرتب له 6000 ووصل دلوقتى ل 10000 . وبالتالى اللى تتميز فيه احسن من اللى تبقى فيه زيك زى اى حد .



كمان ملحوظة : اياك اياك اياك تسمع واحد يقولك ادخل مدنى وخد Coursen فى الرسم تبقى مدنى وعمارة . او ادخل كهربة وخد Coursen اتصالات وبتقى بتاع اتصالات وكهربة . على اساس انا طالب بطحن 5 سنين عشان اخد اللى انت بقى اينشتين هتاخده فى شهرين . كل مجال عمل لوحده ومستقل و على فكرة انت ممكن تدخل قسم و تشتغل فى حاجة تانية خالص مالهاش دعوة بالقسم . انا اعرف واحد خريج قسم كهرباء وشغال دلوقتى شبكات Linux بمرتب مش هقول عليه منعا للحسد .

اخر حاجة دور على اللى يميزك فى كل قسم ومفيش قسم هيشغلك لوحده عشان شوف كام واحد بيتخرج معاك. لازم تتميز ب 3 حاجات اساسيين لا غنى عنهم لو عايز تشتغل بعد ماتتخرج مباشرة :-



1 - لغة ( من غيرها انت ماتسواش حاجة )

2 - حاسب ( وبيختلف من قسم لقسم شوف قسمك محتاج ايه من الكمبيوتر وخد كورسات فيه)

3 - تدريب . تشتغل فى الاجازة وادخل مجال الشغل من بدرى

أضافات لرفع المرتب :-



1- كورسات خاصة بالقسم بتاعك و بتختلف من قسم لاخر

2- كورسات التنمية البشرية والتطوير العقلى وكيفية التعامل و حضور الندوات ..........



ننتقل للاقسام :-




ميكانيكا



1. طبعا اجمل قسم فى الهندسة.... اللى يدخل ميكانيكا لازم يعرف انة قسم صعب جدا بس لو حتحبوا حيكون لذيذ جدا......

2. لو عايز تدخل ميكانيكا لازم تعرف ان كتاب الفيزياء بتاع ثانوية عامة اللى درستة حتلاقى كل فصل منة بقى مادة ولا اثنين فى القسم وعلى فكرة مش معنى ان القسم اسمة ميكانيكا انك حتاخد ميكانيكا لغاية لما تموت.... لا القسم اغلبة مواد فيزيائية و تصميم......

3. لازم تعرف ان قسم ميكانيكا اقوى و افضل قسم فى مصر على الاطلاق .... وانا بقول كدة من واقع الشغل والحياة العملية اللى برة الكلية.....

5. نطاق شغل مهندسين ميكانيكا برة كبير و مراتبتهم حلوة

6. ينقسم الى انتاج و صناعيه و ميكاترونيك1.طبعا مجال الانتاج دة من اكثر المجالات الرهيبة جدا و اللى مش اى حد شغال فيها و مرتباتها عالية جدا طبعا لو طلعت مهندس فاهم و حتبقى استشارى فى حدود 7 سنين من تخرجك



1-ميكانيكا(انتاج)



1.طبعا مجال الانتاج دة من اكثر المجالات الرهيبة جدا و اللى مش اى حد شغال فيها و مرتباتها عالية جدا طبعا لو طلعت مهندس فاهم و حتبقى استشارى فى حدود 7 سنين من تخرجك

2.ولازم تعرف ان انتاج اصعب قسم فيكى يا هندسة على الاطلاق..... وانك احتمال 85% حتسقط سنة ولا اثنين فى النص

3. الدراسة فية 50% انتاج..... والانتاج هوة بالضبط اللى اخذتوه فى اعدادي بس بتوسع كل باب من اعدادى بيكون نصف الكتاب

4. مجال العمل يكون فى المصانع و تشغيل الماكينات فى الورش الصناعية الكبيرة و احيانا فى مجال تاكيد الجودة.





2-ميكانيكا باور





1. خليط بين قسم الميكانيكا و الكهرباء نفس المواد بتاعت القسمين و مجال شغله كويس جدا




مـــدنـى



2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول

3. القسم دة مشكلتوا ان تسليم الشيتات بيكون تقريبا اسبوعى طول السنة

4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية....

5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض

6.مجال شغلة مش بطال بس فية سنة بهدلة شوية

7. واللى نفسة يبنى عمارات و سدود و كباري و انفاق يدخل مدنى على طوول






كهرباء

1- الكترونيات

ودى بتنقسم الى قسمين 1-اتصالات 2-حاسبات

والاتنين كويسين بس كتير اوى ومش بيشتغلوا لأن مجال الاتصالات محدود اوى فى مصر اما الحاسبات فا بتلاقى طوب الارض شغال فيها مهندس ومش مهندس بس هو قسم كويس بس للمتميز نرجع تانى ل اتصالات لو انت مثلا ليك واسطه بره تشغلك فا متترددش انك تدخل اتصالات



2- تحكم

وبينقسم الى قسمين 1-تحكم 2-قوى

وبصراحه القسمين جمال جدا ومطلوبين باستمرار لأن مفيش شركه او مصنع يقدر يستغنى عن مهندس تحكم او قوى والدراسه فى كهرباء عموما معظمها فزياء ورياضه فاياريت لو انت مش كويس فيهم متدخلش كهرباء احسن متخرجش منها خالص




فى كام حاجة لازم تعرفوها :-



1 - فى نظام العولة وال MultiNational مافيش حد يعرف انت خريج ايه ولا ديانتك ايه ولا منين . يعنى ماحدش له دعوةانت هندسة ولا تجارة . يعنى حتى ماوصلتش للاقسام اثبت نفسك فى اللى المجال اللى اخترته ايا كان



2- مافيش مهندس يتخرج ويقعد الا لو زى ماقلت فوق . دخل قسم وكان فاشل فيه ومقضيها مذاكرة ليلة الامتحان وبعدين يقول البطالة . او تقول What's Ur Name ? تلاقيه يتهته منك . او تقعده لى الكمبيوتر ميعرفش يفتحه . انما انت راجل متقدم متخرج من قسمك وعارف هتعمل ايه يبقى ابقى قابلنى لو قعدت .



3 - قرر قسمك من دلوقت عشان الرغبة بتكتب ساعة الامتحانات ومش هيكون قدامك فرصة تسأل و تفكر .